«301» Առաջնորդների զարգացման միավորում հասարակական կազմակերպությունը (ՀԿ) ստեղծվել է Հայաստանում քրիստոնեական դեմոկրատական արժեքները և սկզբունքները վեր հանելու, արդարությունը զարգացնելու, ցավին կարեկից լինելու և միմյանց իրավունքներն ու արժանապատվությունը հարգող համապարփակ հասարակություն ձևավորելու համար:

Մենք նվիրված ենք կայուն զարգացման առաջխաղացման, հայ ժողովրդի միասնության ամրապնդման և հավաքական բարեկեցության ձգտման առաքելությանը:

 

Մենք հավատում ենք, որ առաջնորդությունը և առաջնորդության հետ կապված որև հարց շրջադարձային է կյանքի շատ ասպեկտներում: Այս համոզմունքը արմատավորվել է այն հասկացողությամբ, որ ամեն բան վեր է ելնում և տապալվում առաջնորդության պատճառով, և որ առաջնորդությունը, ո՛չ ավել, ՛ոչ պակաս, ազդեցություն է:

 

Մենք գիտակցում ենք հայրենասեր հայ առաջնորդների համախմբման և խթանիչ համագործակցության հսկայական օգուտները: Համախմբելով մեր ջանքերը՝ մենք ոչ միայն ավելի արդյունավետ կհաղթահարենք մարտահրավերները, այլ նաև կզարգացնենք նորարարությունը, կոգեշնչենք հավաքական գործողությունները և կամրապնդենք մեր միասնական գիտակցությունը: Միասին մենք կարող ենք հասնել ավելի մեծ ճկունության, առաջընթացի և բարգավաճման Հայաստանի և նրա ժողովրդի համար: Այս ըմբռնումը մեզ առաջնորդեց ստեղծելու «301» Առաջնորդների միավորոըմ ՀԿ-ն:

 

Այս սկզբունքների լույսի ներքո մենք ձգտում ենք զարգացնել առաջնորդության քրիստոնեական արժեքները՝ խթանելով ազնիվ, ապրումակցող և ներառական համայնք, որը պաշտպանում է յուրաքանչյուր անհատի արժանապատվությունն ու իրավունքները: Մեր ձգտումն է հետամուտ լինել կայուն զարգացմանը, հոգ տանել սոցիալական ներդաշնակություն ձևավորելու համար և նպաստել Հայաստանում համընդհանուր բարիքի առկայությանը: